Aramaioko Ibarra auzoko zuhaitzak, artilez jantziak 2016an.

Artilezko artea kaleko artearen aldagaietako bat da, zenbait izenekin ezaguna egin dena, besteak beste, yarn bombing (artilezko bonbardaketa), crochet guerrilla, kakorratz gerrilla, urban knitting (hirian trikotatu) edo graffiti ekologikoa. Kakorratz-lanekin edo artilezko puntuzko lanekin kale edo ingurune urbanoko elementuak janztea da kontua.

Nonbait, arte mugimendu honen aitzindaria Magda Sayeg estatubatuarra da, 1960ko hamarkadan ekin ziona fenomeno honi.

Artilezko arteak ezaugarri ludiko bat du berekin, kolore biziak erabili ohi baitira, kalearen aspergarritasunari alaitasuna emateko asmoz.

Euskal Herrian

Euskal Herrian ere ikusi izan dira 21. mendean artilezko arte adibideak kaleetan. Langintza hau taldean ere sustatu izan da; adibidez Amurrion 2012an emakumezko talde batek, Donosti Knit izeneko taldearen bidez Donostian 2013an, edo ikastaro publiko gisa Ermuan 2016an.

Iruditegia



Artikulu honek artikuluaren Artilezko arte artikuluaren materiala erabiltzen du, Creative Commons Attribution-Share-Alike License 3.0 pean kaleratzen dena.