Të falemi Mbretereshe



Të falemi, Mbretëreshë, Nëna e mëshirës, jeta, ëmbëlsimi e shpresa jonë, të falemi!
Ty të thërrasim ne të shkretët, bijtë e Evës, që po fshajmë, po gjëmojmë e po qajmë në këtë shekull plot me lot.
Deh pra, pajtorja jonë, ata sy të mëshirshëm të tu silli prej nesh!
E Jezusin, të bekuarin, frytin e barkut tënd, pas kësaj shkretie na e kallëzo.
O e dhimbshmja, o e buta, o e ëmbla Virgjëra Mari!

Amen!


M: Lutu për ne, o shenjtja Nëna e Hyjit!

P: Që të bëhemi të denjë për premtimet e Jezu Krishtit!
 

Të lutemi

O Hyj i gjithëpushtetshëm dhe i amshuar, që nën ndikimin e Shpirtit Shenjt e përgatite trupin dhe shpirtin e Virgjërës Mari, që të bëhet banesë e denjë e Birit tënd: bëj që ajo, të cilën me gëzim po e përkujtojmë, me ndërmjetësimin e vet të mëshirshëm të na shpëtojë prej të këqijave të tanishme dhe nga vdekja e amshuar. Nëpër të njëjtin Krisht, Zotin tonë. Amen!
 
Pastaj themi edhe:
 Një Ati ynë…, Të falemi, Mari…, dhe Lavdi Atit… në nder të Trinisë së Shenjtë, sipas nijetit të shenjtit Atë papë dhe për nevojat e Kishës.