avaka amin'i Md Jozefa



Ry Masindahy Josefa, avy manatona anao izahay, amin'ny fahoriana manjò anay, sy mangataka fiarovana aminao toy ny efa nataonay tamin'ny vadinao masina.
Mihanta aminao izahay, noho ny fitiavana lehibe nitiavan'i Masina Maria tsy azon-keloka Renin'Andriamanitra, sy nitaizanao an'i Jesoa zazakely, tsinjovy amin'ny maso miantra ny lovan'i Jesoa Kristy izay azony tamin'ny Rany masina, ka vonjeo sy ampio izahay amin'ny mahatery anay.
Ry mpiambina hendry sy mahatoky ny Fianakaviana Masina, arovy ny vahoaka masina nofinidin'i Jesoa Kristy, ambeno tsy ho voan'ny hevi-diso sy ny faharatsiana izahay, ry Ray be fitiavana; iantrao izahay, ry mpiaro be fahefana, ka ampio amin'ny ady ataonay amin'ny herin'ny maizina, ka arovy amin'ny sovok'ady ataon'ny fahavalo sy amin'ny loza rehetra ny Eglizy masin'Andriamanitra, toy ny nanafahanao an'i Jesoa zazakely fahiny tamin'ny fahafatesana!
Tahio mandrakariva izahay mba ho masim-pitondran-tena sy ho tsara fahafatesana hahazahoanay ny hasambarana mandrakizay any an-danitra!

Amen.